Hotza eta berotik isolatzea

Hotza heldu da! Baina beroa datorrenerako ere balio du.

Etxebizitzen isolamendua eraikuntza-prozesutik bertatik kontuan hartzea izango litzateke idealena, baina badakigu kasu askotan ez dela horrela.

Gure bezero baten etxebizitzak hegoaldera orientatuta dauka etxea, eta azken udan jasandako beroaren arazoa planteatu zigun. Era berean, azken urteetan ordaindu behar dituen berogailu-fakturez ere hitz egin zigun.

Konponbide ekonomiko eta azkarra proposatu zaio: gela horren horma isolatzea (ematen du hori dela arazotsuena) Pladur trasdosatu batekin eta barruko islatzaile termikoarekin.

Labur esanda: Isolamendu termo-akustikorako sistema bat jartzen da: aluminio xafla bat, espuma geruza bat eta burbuila geruza baten arteko sandwich baten barruan.  Isolamendu handiagoa emateko, lana minerala gehitu da Pladurraren azken akaberako profilen artean.

Kasu honetan, prest dago pintatzeko, 5 ordu baino gutxiagoan.

Konponbide hori oso egokia da iparraldeko orientazioa duten etxebizitzetarako, izan ere, ematen du hotza eta hezetasuna barruraino sartzen zaizkigula etxean, Donostian hain ohikoak diren egun euritsu eta haizetsu horietan. Noski, atiko itogarrietarako ere pentsatuta dago, “nire etxea labe bat da” entzuten baitiegu esaten jabeei.

Aipatu behar da isolatzaile horiek auzokoen zaratak edota kanpokoak (fabrikak, errepideak, trenak eta abar) arintzeko balio dutela.

Zure arazoa konpontzeko baliagarria izan daitekeela uste baduzu, ez egin zalantzarik eta kontsultatu gurekin.

 

 

Obrarik gabeko sukaldea?

Obrarik gabe guztiz ez, baina ia ia lortu dugu.

Bezero zahar batek egindako enkargua izan da eta ahalik eta azkarren bukatzea eskatu zigun.

Buru belarri ekin genion lanari eta erabat egindako esku-hartzea iturgintza eta elektrizitatearena izan da, osorik aldatu baitziren.

Beste guztia sukaldeko altzariak, panelak, papera eta margoarekin estali da.

Emaitza ikusten ari zaretena da, 12 lan egunetan burutu zen lana (bi aste eta erdi). Distribuzioa ez zen apenas ukitu eta lana egiteko eta gauzak gordetzeko tokiak hobetu ditugu.

Ikusi proiektua

 

Egindako erabateko proiektua Donostian

Jabeekin izandako lehenengo bileran oso argi geratu zitzaigun lehentasun nagusia banaketa on bat lortzea zela. Ideiak nahiko argi dituzte eta hori helarazi digute. “Espazio publiko” bat egon behar da, sukaldeak eta egongelak osatua (jangela bat ere egongo da). Elkarlotuta egon behar dira eta espazio bien arteko komunikazioa erraza izan behar da. Bestalde, logela nagusiak atseden hartzeko gunea, janzteko lekua eta bainugela izan behar ditu barne.

Nahi dugun banaketa lortzeko, gaur egungo tabikeen egitura nahikotxo aldatu behar da. Familia osoarentzako gune partekatu bat sortuko da sukaldea, egongela eta jangela bateratuz. Lagun eta senideekin elkartzeko lekua ere izango da. Sukaldea eta egongela kristalezko ate gidari baten bidez banatuko dira; horrela, beharrezkoa izatekotan, nolabaiteko pribatutasuna izango dute.

Pasabidean aurrera egingo dugu “eremu pribatura” heldu arte; logela bat eta bainugela bat aurkituko ditugu pasabidearen alde banatan, eta amaieran logela nagusia egongo da. Suite baten ideia hartuta egingo dugu, hala eskatu digutelako. Atseden hartzeko gunea, lanerako eremu txiki bat, janzteko lekua eta bainugela egongo dira.

Behin-betiko banaketa lortuta, lekuaren atmosfera landu behar dugu. Bezeroek esan digute “minimalistak” direla eta zuria atsegin dutela. Guk ulertzen dugu espazio soil eta landuen aldekoak direla, beraz, kontu handia izango dugu xehetasunekin, espazio xumeak baina detailez beteak lortzeko, espazio “sinplea” izan ez dadin. Horretarako oso garrantzitsua da materialak eta argiztatzea ondo aukeratzea. Etxe osoan emango den masa zuriari epeltasuna emateko, egur naturalaren tonuko zoladura jarriko da. Lurzoru osoan erabiliko da, baita bainugela eta sukaldean ere, eta horma batzuen panelatzean. Xehetasun moduan, etxeko habe gehienak ageriko hormigoiz utziko dira eta hori nabarmentzeko argi-zulo batzuk egingo dira.

Emaitza: etxebizitza eroso, zabal eta argitsua.

 

 

Egindako azken erabateko proiektua aurkezten dizuegu

Bezeroak eskatutako beharrak lurra, sukalde eta komunaren berritze lanak dira.

Bi hilabete iraungo duen berritze lanetan orain arte dagoen lurra aldatu beharra daukagu, oso ondatuta baitago. Komunean dagoen aberia konpondu behar dugu, horretarako hoditeria aldatuko da bainuontzia dutxagatik aldatzerako garaian. Eta azkenik funtzionala ez den sukaldearen aldaketari ekin behar diogu, lortzeko 8-10 lagunentzako jangela bat lagunenarteko eta familiarteko bilerentzako.

Sukaldea:

Helburua lortzeko lehenik distribuzioa aldatu behar da orainarteko sarbide atea itxiz eta pasilloarekin komunikazioa lortzeko pareta bat botata. Sarreratik espazio handia irabazi da, espazio txiki bat toki funtzionala eta zabala lortuz.

cocina

Lurrean erabilitako materialak buztin koloreko azulejo esmaltatuta da, 12,5×25 zentimetrotakoa, eta pareta batean sabaian bezala koadrodun papera jarri da, zabaltasuna eta ordena lortzeko.

DSC_4060

Komuna:

Txuri-beltzeko diseinu bat landu da 6×24 zentimetrotako azulejoarekin. Marrazki ausarta hau doitzeko lurrerako beige koloreko lurra aukeratu da. Aukeratutako komun elementuak esmaltatutako zeramikakoak dira.

DSC_4075

Lurra:

Ondatutako moketa kendu da eta galburu formako parketa jarri da. Honekin material naturala bezain ekonomikoa jartzea lortu dugu.

DSC_4082

Laburbilduz:

Helburua betetzea lortu dug. Material ekonomiko eta funtzionalak erabili dira, garbitzeko errazak direnak baina muzin egin gabe balio estetiko bateri espazio atenporal eta egungoak lortzeko.

Poesiaren Gorputza Errezitaldia “Literaktum” #DSS2016

literaktum

DSS2016-ko hasierako programazio ekitaldiaren baitan (Literaktum) eta Ibon Egaña eta Donostia Kulturaren koordinaziopean, Apal-en “Poesiaren Gorputza” izango dugu.

Poesia (euskaraz):
Rikardo Arregi Diaz de Heredia,
Mari Luz Esteban,
Miren Agur Meabe

Dantza+Musika:
Miren Gaztañaga,
Jokin Azpiazu Okerreko

Argazkigintza:
Expo “Hysteron” Nagore Legarreta

Hitzordua: Urtarrilaren 23an, 20:30tan. APAL-en (Ametzagaña 7 – Egia)

Instagram FacebookPinterest
info@apal.eus · 943 320 400 · Ametzagaña 7, 20012 Donostia [Mapa]