Gomendioa: “Charlotte Perriand-en mundu berria” izeneko erakusketa (Louis Vuitton Fundazioa. Paris)

Otsailaren 24ra arte Charlotte Perriand arkitektoari buruzko erakusketa bat bisitatu daiteke Parisko Louis Vuitton Fundazioan.

Charlotte Perriand (1903-1999) emakume askea izan zen, modernitatearen aitzindaria, XX. Mendeko diseinuaren mundura argia ekarri zuen pertsonetako bat. Bizitzeko modu berri bat, bizitzeko arte bat definitzen lagundu zuen.

Zendu zenetik 20 urte bete direla eta, Fundazioak arkitekto eta sortzaile bikain hura omendu nahi izan du; horretarako, artea, arkitektura eta diseinuaren arteko konexioak lantzen dituen erakusketa bat antolatu dute.

Erakusketa honetan bere lana ezagutarazi nahi da. Izan ere, bere lanaren bidez emakumearen eta naturak gure gizarteak daukan lekuaren inguruko eztabaidak ireki ziren.

Erakusketa honek modernitatean murgiltzeko aukera emango dio bisitariari, eta hautatutako lanen berreraikuntza fidelen bidez, artearen sintesi bat ikusaraziko da.  Artea erakusketa honen zati garrantzitsua da. Gizartean duen egitekoari buruz pentsarazten digu: Atsegina lortzeko bidea izan daiteke, baita gizartea eraldatzeko tresna ere.

(erakusketaren inguruko liburuxkatik itzulia)

Kulturen elkarrizketa. (Japonia)

Japoniako gobernuaren gonbidapena jaso du, arte industrialaren arloan kontseilari izateko.

Han deskubrituko du tatamietan, mahairik, aulkirik eta oherik gabe bizi den jendearen eguneroko bizimodua.  Bertako kulturaz, errituez eta formez maiteminduko da.  Ikastetxe eta produkzio zentroetan hitzaldiak emango ditu.

1941ean, Tokion eta Osakan, bere ikerketa eta proposamenen inguruko sintesi bat egingo du, erakusketa baten bidez: “Japoniako etxebizitzaren ekipamenduan egindako ekarpenak. Hautaketa, tradizioa, sorkuntza”.   Bertako ekoizle eta artisauen laguntzaz, bere diseinuen egokitzapena aurkeztu zuen (batez bere, altzariak). Bertako materialen ezaugarri teknikoak baliatu zituen.

Natura.  Les Arcs 1967-1989

“Mendia biziki maite dut. Maite dut, beharrezko dudalako.  Beti izan da nire oreka psikiko eta moralaren barometroa”

Savoiakoa da jatorriz. 1925etik alpinismoa eta eskia praktikatu zituen.  30eko bere proiektuetako asko pasio honetatik sortu ziren.

1960tik aurrera, turismoari buruzko hausnarketetan parte hartu zuen eta Savoiako Les Arcs kirol estazioa eraikitzeko arkitektura lana sortu eta diseinatzeko eskatu zioten, 30.000 ohe sartzeko edukiera zuen proiektua.

Nagore Legarretaren “Hysteron” argazki erakusketa.

Gogorarazten dizuegu Otsailaren 23an jarri genuen argazki erakusketa ikusgai egongo dela martxoaren bukaerararte gurean.
Nagore Legarretak aurkeztutako lana “Hysteron” da eta hauxe zion berak…”…nire aitarekin batera estenopeika estiloko lau zulodun kamera bat sortu nuen 5 kiloko atun latak erabiliz eta beste bat labeko eltzea erabiliz. Aurreneko emaitzak HYSTERON deitutako bilduman ikus daitezke.
Guk biziki maite ditugu argazkiak, beraz badakizue, martxoaren 31a arte APAL-en

Nagore_w

Poesiaren Gorputza Errezitaldia “Literaktum” #DSS2016

literaktum

DSS2016-ko hasierako programazio ekitaldiaren baitan (Literaktum) eta Ibon Egaña eta Donostia Kulturaren koordinaziopean, Apal-en “Poesiaren Gorputza” izango dugu.

Poesia (euskaraz):
Rikardo Arregi Diaz de Heredia,
Mari Luz Esteban,
Miren Agur Meabe

Dantza+Musika:
Miren Gaztañaga,
Jokin Azpiazu Okerreko

Argazkigintza:
Expo “Hysteron” Nagore Legarreta

Hitzordua: Urtarrilaren 23an, 20:30tan. APAL-en (Ametzagaña 7 – Egia)

Pintura Erakusketa: Ager Iñarra Arrastua

Inaugurazioa.  Ekainak 12an 19:00tan Ostirala

Microsoft Word - Documento1

 

“…Zirrara uneak topatzen ditut pintatzen ari naizenean. Taula batean hasi eta nora iritsiko naizen
ez dakit, baina ibilian zerbait aurkituko dudala bai.

Pintura lodiak, ezabatzen ez diren arrastoak eginez erabiltzen ditut eta pintura urtsuak geruzaz
geruza, baita bestelako elementuak ere, marrak, puntuak, zirkuluak, argi izpiak, argi ilunak…
Zerrautsak, hondarrak, harriak, haziak eta halakoak pinturarekin nahasiz edo bertan itsatsiz
aritzen naiz eta eskuak, espatulak, esponjak eta lorratzak uzten dituzten edonolako objektuak dira
nire lanabesak. Egikera honekin, pintatzea bera plazer bihurtzen da, jolas askea, material, forma
eta koloreen zurrunbiloan mugarik gabeko anabasa.

Ibilbidea intentsua izaten da eta askotan noraezean ere ibiltzen naiz, sasitzarretan galduta.
Horrelakoetan norabidez aldatu eta bide berriari ekiten diot argitasunaren bila. Aurretik egindakoa
ez da guztiz ezabatzen.

Poliki poliki, Koadroak bizitza propioa hartzen du. Materialen gainean isuriz eta nahasiz
erabilitako urak naturaren formak eragiten ditu, bizitza sortzen du, koadroak bere bidea eginez.
Amaieran, beti ez bada ere, ereindakoak uzta ematen du.

Gogoetarako momentuak tartekatuz, Koadroak berak iradokitzen dit nora jo. Koadroetan
naturaren formak eta erreferentziak ikusten ditut. Sustrai eta adar formako isuriekin eta orban
borobilekin, paisaiak, basoa, eguratsa eta ortzimuga maiz agertzen dira, baita, haurrek marrazten
dituzten mendia, itsasoa, zerua eta eguzkia ere.

Erakusketa honekin, naturaren eta bizitzaren begirada bat eskaintzen dizuet, barrutik
ateratakoa….”

Instagramlarien topaketa – Protagonista zu izango zara

Instagramlarien topaketa egingo da gure denda-estudioan eta bertan parte hartzera gonbidatzen zaituztegu.

 

cartel_eu_700

 

  •  Erakuts iezaguzue zeinen ederra ikusten duzuen Gipuzkoa, erantsi argazkiari #gipuzkoa_ederra  traola eta bidali  info@apaldenda.com helbide elektronikora (irudiaren kalitatea 200ppp-koa)
  • Argazki berriak edo zaharrak erabili ditzakezue. Izan ere, gure txoko gipuzkoarrekin batera, zuek Instagrameko argazkilariak omentzea da gure helburua, beti begirada zorrotzarekin ibiltzen baitzarete. Soil-soilik argazkia egin behar duzue, beste guztia gure kontu.
  • Nahi dituzun adina etiketatu eta bidali ditzazkezu baina erakusketarako pertsonako bat erabiliko dugu.
  • Jasotzen ditugunekin  erakusketa bat irekiko dugu martxoaren 13an Apal denda-estudioan (Ametzagaña 7, Egia auzoa, Donostia)
  • GARRANTZITSUA: argazkiak jasotzeko epemuga, martxoak 8
  • GARRANTZITSUENA: partaideen artean Bliss lanpara bat zozkatuko dugu

bliss

Instagram FacebookPinterest
info@apal.eus · 943 320 400 · Ametzagaña 7, 20012 Donostia [Mapa]