Gomendioa: “Charlotte Perriand-en mundu berria” izeneko erakusketa (Louis Vuitton Fundazioa. Paris)

Otsailaren 24ra arte Charlotte Perriand arkitektoari buruzko erakusketa bat bisitatu daiteke Parisko Louis Vuitton Fundazioan.

Charlotte Perriand (1903-1999) emakume askea izan zen, modernitatearen aitzindaria, XX. Mendeko diseinuaren mundura argia ekarri zuen pertsonetako bat. Bizitzeko modu berri bat, bizitzeko arte bat definitzen lagundu zuen.

Zendu zenetik 20 urte bete direla eta, Fundazioak arkitekto eta sortzaile bikain hura omendu nahi izan du; horretarako, artea, arkitektura eta diseinuaren arteko konexioak lantzen dituen erakusketa bat antolatu dute.

Erakusketa honetan bere lana ezagutarazi nahi da. Izan ere, bere lanaren bidez emakumearen eta naturak gure gizarteak daukan lekuaren inguruko eztabaidak ireki ziren.

Erakusketa honek modernitatean murgiltzeko aukera emango dio bisitariari, eta hautatutako lanen berreraikuntza fidelen bidez, artearen sintesi bat ikusaraziko da.  Artea erakusketa honen zati garrantzitsua da. Gizartean duen egitekoari buruz pentsarazten digu: Atsegina lortzeko bidea izan daiteke, baita gizartea eraldatzeko tresna ere.

(erakusketaren inguruko liburuxkatik itzulia)

Kulturen elkarrizketa. (Japonia)

Japoniako gobernuaren gonbidapena jaso du, arte industrialaren arloan kontseilari izateko.

Han deskubrituko du tatamietan, mahairik, aulkirik eta oherik gabe bizi den jendearen eguneroko bizimodua.  Bertako kulturaz, errituez eta formez maiteminduko da.  Ikastetxe eta produkzio zentroetan hitzaldiak emango ditu.

1941ean, Tokion eta Osakan, bere ikerketa eta proposamenen inguruko sintesi bat egingo du, erakusketa baten bidez: “Japoniako etxebizitzaren ekipamenduan egindako ekarpenak. Hautaketa, tradizioa, sorkuntza”.   Bertako ekoizle eta artisauen laguntzaz, bere diseinuen egokitzapena aurkeztu zuen (batez bere, altzariak). Bertako materialen ezaugarri teknikoak baliatu zituen.

Natura.  Les Arcs 1967-1989

“Mendia biziki maite dut. Maite dut, beharrezko dudalako.  Beti izan da nire oreka psikiko eta moralaren barometroa”

Savoiakoa da jatorriz. 1925etik alpinismoa eta eskia praktikatu zituen.  30eko bere proiektuetako asko pasio honetatik sortu ziren.

1960tik aurrera, turismoari buruzko hausnarketetan parte hartu zuen eta Savoiako Les Arcs kirol estazioa eraikitzeko arkitektura lana sortu eta diseinatzeko eskatu zioten, 30.000 ohe sartzeko edukiera zuen proiektua.

Finlandiara egindako bidaia (2017ko aprila)

Finlandia eta Alvar Aalto gauza bera dira diseinuari dagokionez.

Hara bidaiatzea, diseinu eta barne diseinuaren epizentrora, biziberritzaile eta inspiratzailea da.

Araztasuna, material ekonimikoak eta funtzionalitatea. Zer gehiago esan daiteke Alvar Aalto eta Aino Marsio-Aaltori buruz….Egia esan, Ainori buruz gutxi esan da eta hori ekipo kideak eta konplementarioak zirela, bera gabe historia beste modu batera izango litzateke.

Finalndian gurtzen zaie eta APAL-en ere.

.

 

  

 

Zer da moderno izatea?

Oso argi ez bagenu ere, gure hiztegian “edozein garaitan klasikoaren kontrako” gisa definitzen da “moderno” hitza.

Gaur egun, badirudi adjektibo bakarra nahikoa ez, eta adjektibo bikoitza erabili behar dugula zerbait definitzeko. “Minimal-chic” izan behar dugu, “hipster-moderno”, “nordiko-klasiko”… Baina “moderno-moderno” izateko (modernotasunaren punturik gorena), jarrera globala eta ezberdina izan behar da bizitzarekiko. Bada, gaur, “moderno-moderno” horiei buruz hitz egin nahi dugu.

Frida Kahlo eta Diego Riveraren etxe-estudioa. (Mexiko Hiria)

Bi eraikinek osatzen dute etxea, etxe bakoitzak etxebizitza eta sormen-estudio bana duelarik. Etxe biak elkarrengandik erabat independenteak dira baina, aldi berean, teilatuak zubi bidez lotuta daude.

Le Corbusier inspirazio iturri, Juan O’Gorman arkitektoa aitzindari izan zen etxeok eraikitzen (argiaren bila lanean beti). Ez soilik arkitektoa bera; bi artistak ere iraultzaile izan ziren eraikin horietan sortu eta bizitakoari zegokionez.

Lehendabizikoa, arkitektoa, egindakoengatik izan zen “moderno”: etxe horretan gertatuko zenera egokitu zuen proiektua, gauzatze-modu bitxiarekin gainera. Etxeak ahalik eta kostu txikienarekin eraiki zituen, hala ekonomiari nola denbora zein lanari zegokionez. Horrekin, Mexiko erabat tradizionala zen garai hartan erabat aitzindaria izan zen.

Frida Kahlo eta Diego Rivera “moderno-modernoak” izan ziren, bizi izan zuten harreman profesional eta sentimental erabat ireki eta malkartsuarekin une hartako pentsamendua irauli zutelako. Ez dezagun ahaztu joan den mendeko 30eko hamarkadaz ari garela.

Rem Koolhaas – Bordeleko Etxea

Kasu honetan modernotasuna bezeroaren beharraren ondorioa da. 90eko hamarkada bukaera: kotxe istripu baten ondorioz, proiektu honen sustatzailea gurpildun aulkian geratu zen betiko, mugikortasun arazoak nagusi izanik. Enkargua argia izan zen: etxeak bere mundua izan behar zuen, mundu oso bat. Baldintza funtzional, fisiko eta psikologiko zenbait bete behar zituen, familia osoa elkarrekin bizi ahal izan zedin.

Logikoena (edo, hobeto esanda, ohikoena) izango zatekeen solairu bakarreko etxea eraikitzea, inolako oztoporik gabea, eta irisgarritasun baldintza guztiak zehaztasun osoz diseinatzea. Rem Koolhaasek, ohikoari muzin eginda, hiru solairuko etxebizitza bertikala proiektatu zuen. Bertikaltasun horretan, hormarik gabeko plataforma-estudioa izan zen erdigune-ardatza eta, igogailua bailitzan, etxeko hiru solairuak lotzeko aukera eskainiko zuen.

Beheko eta hirugarren solairuak, opakoagoak, familiaren gune pribatua izatera bideratuta daude; baina kale-mailako solairuak (beiraz erabat inguratua) leiho zabalgarriak zeharkatu eta lorategira irteteko aukera eskaintzen du, barnealde eta kanpoaldearen arteko jarraitutasuna bermatuta eta hain preziatu dugun askatasun sentsazioa loratuta.

XX. mende bukaerako elementu arkitektoniko adierazgarrienetakoa da etxe hau.

Federico Babina

Arkitekto italiar honek bere ilustrazioen bidez estetika “naif” batekin berak duen arkitekturaren munduko ikuspegia erakusten digu.

Gaurtik aurrera Apalen paretetan zintzilikatuta ikusi ditzakegu bere lanetako batzuk. “Archiset”, “archicine, “archizoon” eta “archiportrait” kolekziotako aleak dira.

Gure Zinemaldi propioari omenaldia eginez, gehienak “archiset” eta “archicine”-koak dira. Adibide hauek arkitektura eta zinemaren arteko uztarketa bikaina dira. “Archiset”-en panpinen etxeak balira bezala ebaketen bidez antzeztokien barne diseinua ikusi daiteke, bertan antzezleak beraien saltsan irudikatu ditzakegu. “Archicine”-n filmak grabatu diren lekuak dira benetako protagonistak, lamina bakoitza bihurtuz filmaren ustezko kartelean.

“Archizoom”-en eraikin esanguratsuak marrazten ditu antigoaleko zinemako karteletan bilakatuz, eta “archiportrait”-en arkitektoak irudikatzen ditu beraien eraikin edo diseinuekin gorputzeko atalak eginez.

Federico Babina, zinema eta arkitekturaren zale porrokatua.

collage_babina

Alfredo Häberli

Alfredo Häberli

Alfredo_Haberli

 

Argentinan jaioa eta Suizan hezitua, diseinu industrialean graduatu zen eta bere ibilbide profesionalean Bd, Edra, Driade, Luceplan, Vitra, Zanotta edo Kvadrat bezalako enpresentzat lan egin du.

 

Zenbait erakusketa monografikoak bere lanari eskeiniak eta zenbait diseinu sari, bere lanaren kalitatea eta kontuan izan behar zaiola adierazten dute.

 

Guretzako bereziki ezaguna egin zen Donostiako erdiguneko Camper denda diseinatu zuenean, neurri murritzekoa izan arren hiriko diseinurik indartsuenetakoa baita.

 

Gaur Zurich-en egindako lan bat erakutsi nahi dugu: 25 ordu Hotela. Hotel honek 126 gela ditu, jatetxe bat, jaientzako kitchen club-a, sukaldaritza kurtsoak eta spa terraza bat. Zuricheko puri-puri  dagoen gune batean kokatuta dago Hotela eta diseinu erreferente bat bihurtu da materialen uztarketagatik, koloreengatik eta Haberli berak diseinatutako altzariengatik. Giro laxokoak eta kolorez beteak, gela bakoitzean kolore tono bat gailentzen da, lurzoru, gortinak eta beste elementu dekoratiboekin bat egiten duena.

 

Alfredo Haberli, bere ekipoarekin batera “Hiriaren irrifarra” bataiatu zuten Hotela, baikortasun eta pozkiazko mezu bat hotelaren txoko bakoitzean txertatzen jakin izan dutena.

 

MIX_AH

Instagram FacebookPinterest
info@apal.eus · 943 320 400 · Ametzagaña 7, 20012 Donostia [Mapa]